Sir Alex Ferguson amesema David Beckham alitakiwa kuondoka katika klabu ya Manchester United.

Meneja wa zamani wa klabu ya Manchester United, Sir Alex Ferguson amesema David Beckham alitakiwa kuondoka katika klabu hiyo kwasababu nahodha huyo wa zamani wa timu ya taifa ya Uingereza alidhani yeye ni mkubwa kuliko meneja.

Katika kitabu chake kipya kinachoelezea maisha yake ya ukocha, Ferguson amesema aligombana na Beckham baada ya kumkosoa kwa kiwango chake alichokionyesha katika mchezo wa Kombe la FA dhidi ya Arsenal ambao walipoteza.

Katika kitabu hicho Ferguson ameandika kuwa dakika ambayo mchezaji wa United atakapodhani yeye ni mkubwa kuliko meneja ni lazima aondoke na Beckham alidhani yeye ni mkubwa kuliko Ferguson ndio maana akamuuza.

Ferguson pia alionyesha wasiwasi wake kuhusu mtindo wa maisha ya watu mashuhuri kufuatia nyota huyo kumuoa Victoria Adams aliyekuwa nyota wa kundi la muziki la Spice Girls nchini humo.

Kocha huyo aliendelea kudai kuwa Beckham ndiye mchezaji pekee kati ya aliyowafundisha kuchagua maisha ya umaarufu na kitendo hicho hakikumfurahisha ndio maana akamuacha aondoke.

Lakini Ferguson alimpongeza nyota huyo kwa mchango wake uliochangia mafanikio mengi ya United na kumtaja kama kioo cha watoto wote duniani.

Katika kipindi chote cha miaka 26 aliyofundisha United, Ferguson alishinda mataji 38 na kufanikiwa kuwafundisha nyota kadhaa wakiwemo Beckham, Eric Cantona, Cristiano Ronaldo, Peter Schmeichel, Bryan Robson, Roy Kean, Jaap Stam na Ruud Van Nistelrooy.

Read more »

TFF imeendelea kutoa ufafanuzi wa nini na nani yupo katika familia ya soka.

Rais wa shirikisho la soka nchini TFF Leodger Chilla Tenga

 ****

Wakati kamati ya rufaa ya maadili ikitarajia kukutana leo kwa ajili ya kusikiliza rufaa zilizowasilishwa mbele yake pamoja na kutoa ufafanuzi wa maamuzi yaliyochukuliwa na kamati ya maadili majuma mawili yaliyopita dhidi ya wadau wa soka waliotakiwa kuendelea na adhabu ya kuenguliwa katika mchakato wa uchaguzi mara baada ya kusikilizwa kwa mashauri yao, shirikisho la soka nchini TFF imeendelea kutoa ufafanuzi wa nini na nani yupo katika familia ya soka.

Mwenyekiti wa kamati ya sheria na hadhi za wachezaji Alex Mgongolwa amesema tafsiri wa nini na nani yupo katika familia ya soka imekua ikitolewa tafsiri tofauti ambapo hali hiyo inaleta mkanganyiko na kusababisha baadhi ya wadau walioenguliwa katika mchakato wa uchaguzi kujiona hawana haki ya kuwa katika familia hiyo.

Bofya hapa chini kumsikiliza:- MGONGOLWA

Hata hiyo kwa kuonyesha ni vipi suala hilo linavyowachanganya wadau wa soka nchini, bado raisi wa shirikisho la soka nchini TFF Leodger Chilla Tenga alipokutana na waandishi wa habari siku mbili zilizopita alizungumza kwa lengo la kufafanua nini chanzo cha kuundwa kwa kamati za maadili kama ilivyoagizwa na shirikisho la soka duniani FIFA.

 Bofya hapa chini kumsikiliza:- RAIS WA TFF TENGA

Read more »

BABA LEVO ATANGAZA KUBADILISHA JINA NA ADAI BIFU ZA MUZIKI WA BONGO HUPOTEZA WAKATI NA HAZINA MANUFAA.

Hitmaker wa Vuvuzela Baba Levo, amesema Bifu za wasanii wa Muziki wa Kizazi kipya Tanzania hazina manufaa yoyote zaidi ya kupoteza muda na kibongo bongo bifu lililopo si kwa wasanii wa muziki wa Hip Hop bali ni kwa wasanii wote.

"Bifu hali kwenye Hip Hop tu lipo sehemu yoyote kwa sababu bifu inakuja kutokana na mazingira tunayoishi, kwa mfano Diamond na H Baba wana bifu lakini hawafanyi Hip Hop" BABA LEVO Aliikiambia kipengele cha Chumba Cha Sindano katika Kipindi cha Kali za Bomba kutoka kituo cha redio Bomba FM 104.0MHz Mbeya. 

Kwa maelezo zaidi sikiliza hapa chini...........

Akizungumzia sababu za kuachana na Muziki wa miondoko ya HIP HOP Baba Levo amesema "Sababu zilizonifanya niachane na HIP HOP au sio bwana, baada na kuona mazingira ya Hip Hop kwangu yanakuwa magumu kupata hela kwa sababu tunafanya music ili tupate pesa, kwa sababu watu wanafanya HIP HOP wanapata pesa lakini kwangu ilikuwa vigumu"

Kwa maelezo zaidi sikiliza hapa chini...........

Aidha Baba Levo amesema kwa sasa amebadilisha jina na kujiita BABA LA BABA LEVO na kuelezea sababu za kubadilisha jina lake ni kutokana na mwanae kumbatiza jina la LEVOCATUS jina ambalo pia ni la baba yake mzazi na uzinduzi wa jina hilo utaenda sambamba na utambulisho wa Ngoma mpya iitwayo Baba la Baba na video mpya ya Boss Mapombe.

Kwa maelezo zaidi sikiliza hapa chini...........

Read more »

SOGGY DOGGY AITOLEA UVIVU COSOTA & BASATA SIKILIZA HAPA CHUMBA CHA SINDANO YA KALI ZA BOMBA SEPT 24

 

 STORY KWANZA - SOGGY DOGGY.

Rapper Soggy Doggy a.k.a Chief Rumanyika, licha ya kushirikiana na wasanii wenzake D Knob, Sugu na Bwana Misosi kupigania suala la wasanii kupata hati miliki ya kazi zao, Serikali imekuwa ikisuasua kutafuta ufumbuzi wizi wa kazi za wasanii na kwamba itachukua mud asana wasanii kuja kunufaika na kazi zao.

 STORY PILI - SHADAMO.

Upcoming Artist kutoka Green City namzungumzia Shadamo, ambaye pia anafanya vizuri kupitia Track ya MILELE MIMI NA WEWE amewatwatukia wasanii wenzake Undergrounds kujiamini na kujipenda katika kazi zao, licha ya kuwa katika kufikia mafanikio kuna misukosuko ya vikwazo na kutatishana tama, lakini wakitia nia gemu la muziki wa kizazi kipya lina wigo mpana wa mafanikio.

 STORY KAMILI:- KAMA ULIKOSA KUMSIKILIZA MAHOJIANO NA SOGGY DOGGY  NA SHADAMO KATIKA CHUMBA CHA SINDANO ya KALI ZA BOMBA - BOMBA FM 104.0MHz WASIKILIZE HAPA.

Read more »

Ni Di Matteo, McLeish, McClaren takayechukua nafasi ya Paolo Di Canio katika Klabu ya Sunderland.

Majina ya mameneja Roberto Di Matteo , Tony Pulis , Gus Poyet , Alex McLeish pamoja na  Steve McClaren yamekua yakitajwa katika mchakato wa kumsaka mrithi wa meneja kutoka nchini Italia Paolo Di Canio ambae amefungashiwa virago huko Stadium of Light yalipo makao makuu ya klabu ya Sunderland.

Vyombo vya habari nchini Uingereza tangu mapema hii leo vimekua vikiyataja majina ya mameneja hao ambao wanaijua vyema ligi ya nchini humo kwa kusema huenda mmoja wao akapewa ajira na uongozi wa klabu ya Sunderland.

Taarifa hizo zimedai kwamba mameneja wote hao wamekua katika harakati za kutafuta kazi kwa muda wa miezi kadhaa sasa na wapo tayari kuichukua nafasi ya Paolo Di Canio ambae ameionja shubiri ya kutimulia kazi baada ya kushindwa kuanza vyema msimu wa ligi nchini Uingereza.

Hata hivyo katika mlolongo wa mameneja hao Roberto Di Matteo, ambae aliiwezesha klabu ya Chelsea kuandika historia ya kuwa wafalme wa soka mwaka 2012 barani Ulaya, anaonekana kuwa chaguo la kwanza la viongozi wa klabu ya Sunderland ambao bado wanaendelea kujadiliana namna ya kuiziba nafasi ya meneja klabuni hapo.

Paolo Di Canio ambae alipewa ajira huko Stadium of Light mnamo March 31 mwaka huu alifanikiwa kuinusuru klabu ya Sunderland kushuka daraja msimu uliopita baada ya kuikuta ikiwa katika hali mbaya ambayo ilisababishwa na utendaji mbovu wa meneja aliemtangulia Steve Bruce.

Tangu alipoingia klabuni Paolo Di Canio mwenye umri wa miaka 45, alifanikiwa kushinda michezo mitatu pekee kati ya michezo 13 ambayo imeshuhudiwa ikichezwa akiwa kama mkuu wa benchi la ufundi.

Akizungumza mara baada ya mchezo wa mwishoni mwa juma lililopita dhidi ya West Bromwich Albion ambao ulikua mchezo wa mwisho kwake kama meneja wa klabu ya Sunderland Paolo Di Canio alikiri kikosi chake bado kilikua na matatizo ya kuelewana baina ya mchezaji na mchezaji hivyo ilikua ni vigumu kwake kuanza vyema msimu huu huku wakiwa tayari wameshacheza michezo mitano.

Pia Paolo Di Canio akajitabiria mabaya wakati alipokua akizungumza na vyombo vya habari kwa kusema yeye alistahili kuwajibishwa kwa kosa hilo.

Katika mchezo huo kikosi cha Sunderland kilikubali kisago cha mabao matatu kwa sifuri, na kabla ya hapo walikubali kufungwa na Arsenal mabao matatu kwa moja huku Cryastal palace wakitanguli

Read more »

KAMA ULIKOSA KUMSIKILIZA MAHOJIANO NA JOSLIN, CHRIS WAMARYA, KABAGO, VUMBE NA PNC KATIKA CHUMBA CHA SINDANO - BOMBA FM WASIKILIZE HAPA.

STORY KWANZA - JOSLINHitmaker wa Itika Joslin amesema yeye hajifananishi na Msanii yeyote hapa Bongo, kwa sababu yeye ana ladha tofauti katika ngoma zake ambayo hukatisha kiu ya mashabiki wa muziki ambao wanahitaji kuona uhalisia wa msanii juu ya kile anachokiimba....

 
STORY YA PILI- CHRIS WA MARYA.Hitmaker wa Kilometer 6, Sinyorita na nyinginezo track kibao CHRIS WAMARYA kutoka Mji kasoro bahari, amedai kuwa ataendelea kuimba muziki wenye ladha ya bongo ili hata wasanii wa Kimataifa wapate kuuiga.... 

 STORY YA TATU- CHRIS WA MARYA.Rapper KABAGO wa BMW amesema anamshukuru Mola kwa kumpa uhai mpaka sasa na madaktari walioweza kumtibu haraka  na kumsababishia kuendelea vema, kufuatia ajali iliyotokea Jumapili eneo la Msituni wakati yeye pamoja na wasanii wenzake wakitokea Geita katika show kuelekea Airpot Mwanza.
 

NB:-Pia VUMBE na PNC wameweza kuzungumzia ajali hiyo.

STORY KAMILI WASIKILIZE HAPA WAKIZUNGUMZA:- KAMA ULIKOSA KUMSIKILIZA MAHOJIANO NA JOSLIN, CHRIS WAMARYA, KABAGO, VUMBE NA PNC KATIKA CHUMBA CHA SINDANO - BOMBA FM WASIKILIZE HAPA.

Read more »

MAHOJIANO KWA LUGHA YA KISWAHILI KATI YA MWANDISHI WA HABARI NA MSEMAJI WA AL-SHABAAB JUU YA MAUAJI YA ZAIDI YA WATU 59 JIJINI NAIROBI.

Mwandishi Jamal Osman amefanya mahojiano exclusive na msemaji wa kundi la kigaidi la Al-Shabaab kuhusiana na sababu za kuishambulia mall ya Westgate. 

Hii ni tafsiri ya Kiswahili ya mahojiano hayo yaliyofanywa kwa Kiingereza kwenye mtandao wa Channel4

Jamal Osman: Kwanini mmefanya shambulio?

Msemaji wa Al-Shabaab: Sababu ya kufanya shambulio ni kuwalinda watu wetu na nchi yetu sababu Kenya ilitushambulia, bado wanaendelea kushikilia sehemu ya ardhi yetu. Tumekuwa majirani wenye amani, lakini wao ndio walitushambulia na tunajilinda. 

Haijalishi kama wewe ni Muislamu ama Mkristo, sheria inasema unatakiwa kujilinda mwenyewe dhidi ya yule aliyekushambulia.

JO: Mmeua watu wa mataifa mengi wakiwemo Waingereza, hamuogopi mataifa makubwa yatawatafuta?

Msemaji wa Al-Shabaab: Tumewaambia Wakenya na wale wanaoenda Kenya kwamba hatuwezi kuvumilia kile Kenya inatufanyia. Tuliwaambia tutajilinda wenyewe na tuliwaonya kuhusu kwenda Kenya. 

Wakenya wana damu yetu mikononi mwao. Mtu yeyote aliyejiandaa kwenda Kenya lazima ajiandae na kukabiliana na ukweli huo, na hatuwaogopi watu wa Ulaya ama Wamarekani sababu sisi si wadhaifu.

 Na tunasema hili kwa watu wa Ulaya na Wamarekani ambao wamekuwa wakiwasaidia wale wanaotushambulia, muwaambie Wakenya waache uonevu wao kama mnataka kuwa salama.

JO: Kwanini mliilenga mall ya Westgate?

Msemaji wa Al-Shabaab: Sababu ya kwanini tuliilenga mall ya Westgate, ni kwakuwa Wakenya na serikali yao wametumia majeshi dhidi yetu, ni maadui wetu. Wamewatuma watu wao Somalia, wameiunga mkono serikali yao kuishambulia nchi yetu. Kwetu, popote pale Kenya ni sawa, tutawapiga popote tuwezapo.

 Sababu tulilenga Westgate ni kwamba tunajua ni sehemu ambayo wanajisikia maumivu zaidi. Ni kwasababu inaingiza hela nyingi na ipo katikati ya jiji. 

Ni sehemu wanasikia maumivu na kwasababu tulitaka kutuma ujumbe na hatukutaka kuupoteza ujumbe wetu. Tulitaka ujumbe wetu umfikia kile Mkenya.

JO: Wapiganaji wenu ndani ya mall bado wanapigana?

Msemaji: Ni zaidi ya saa 27 sasa, wapo ndani na bado wameshika hatamu.

JO: Nasikia kuna mpiganaji mwanamke ndani pia?

Msemaji: Hatupeleki wanawake wetu kwenye uwanja wa vita.

JO: Kitu gani mnategemea kitatokea sasa? Nini litakuwa tokeo la hili?

Msemaji: Kama Mungu akipenda, tunategemea Wakenya watapata ujumbe kwamba kama ukimwaga damu, damu yako itamwagika pia. Kwao kujua kuwa hawawezi kushikilia Kismayu, Dhobley na Afmadow na wategemee waishi kwa amani Nairobi. Huo ni ujumbe tunataka kuutuma kwao.

JO. Kwenye jumbe zenu kupitia Twitter mnasema huu ni mwanzo tu na mtaendelea, ama mmeshafikia malengo yenu?

Msemaji: Tunasema kwa Kenya, iacheni nchi yetu. Huo ni ujumbe wa kwanza. Na kama wakikataa kuiacha nchi yetu basi tutaanzisha vita yenyewe.

JO: Hivyo matakwa yenu kwa Wakenya, ni kuiacha nchi yenu kama wanataka amani?

Msemaji: Kama Wakenya wanataka amani, wanatakiwa kuiacha nchi yetu.

JO: Kwanini mnawalenga watu wasio na hatia?

Msemaji: Raia wa kigeni, wanatakiwa kuondoka kwenye nchi hiyo (Kenya) kwasababu Wakenya na Al-Shabaab wapo kwenye mgogoro na tunamwambia kila mtu – Kenya ni eneo la vita.

JO: Kwakuwa unasema raia wa kigeni na Waingereza wana maslahi makubwa nchini Kenya, mna ujumbe gani kwao?

Msemaji: Tunasema kwa Waingereza, kwakuwa tunaamini wanawasaidia Wakenyan na Wakenya ni watumwa wao, wao (Waingereza) wanatakiwa kuwaambia Wakenya, walitoe jeshi lao Somalia.

 Na Waingereza wanajua Wasomali hawataka tamaa. Tuliwakatalia Waingereza mwanzoni, ambao wana nguvu kuliko Wakenya

Read more »